Yapon Döyüş Növləri və Mədəniyyəti Assosiasiyası (YDNMA) 31 oktyabr 2022-ci il tarixində Azərbaycan Respublikası Gənclər və İdman Nazirliyi tərəfindən akreditasiyadan keçərək fəaliyyətə başlayıb.
Presssport.az xəbər verir ki, YDNMA-nın məqsədi Azərbaycanda olan və gələcəkdə yaradılacaq Yapon döyüş növlərinin inkişaf etdirilməsidi.
28 Sentyabr 2024-cü il tarixində EGP Arenada YDNMA-nın baş ofisində İdarə Heyətinin növbəti iclası keçirilib. İclasın gündəliyində olan bir neçə məsələ haqqında müzakirələr aparılmış və bir sıra qərarlar alınıb Yekunda YDNMA Beynəlxalq Ciu-citsu Federasiyasının üzvü olaraq ölkəmizdə bu idman növünün rəsmi təmsilçisi olması ilə bağlı qərar olunub.
YDNMA-nın tərkibində Ciu-citsu sektoru yaradılıb və sektorun müdiri vəzifəsinə Əli Cəfərov təyin olunub. YDNMA-nın prezidenti Atil Ağamirov tərəfindən Cəfərova bu idman növünü daha da inkişaf etdirmək üçün zəruri işlərin görülməsi tapşırığı verilib. İclasda həmçinin cari ilin sonunda Ciu-citsu idman növü üzrə keçiriləcək Azərbaycan çempionatına hazırlıq işləri də müzakirə olunub.
İclasda bundan başqa Təşkilat Komitəsinin sədri Elşad Kərimov Assosiasiyasının baş katib vəzifəsinə seçilib.
YDNMA-nın prezidenti Atil Ağamirov: “Bu idman növündə olan idman təşkilatlarını, məşqçiləri, hakimləri və idmançıları birlikdə yenidənqurma işlərində fəal iştirak etməyə və bu yolda birgə addımlamağa dəvət edirik!” fikirləri ilə iclasa yekun vurub.
Mehman Süleymanov
Bugün
| Bazar | B.E | Ç.Ə | Ç | C.A | C | Ş |
|---|---|---|---|---|---|---|
© PressSport . copyright by Mehman Suleymanov all rights reserved. Created by INT BAKU LLC
