Yığmamızın səfər proqramı və məşq cədvəli bəllidi

Millimiz UEFA Millətlər Liqasının növbəti oyunları çərçivəsində oktyabrın 7-də toplaşacaq və ayın 8-9-da Neftçi Futbol Mərkəzində məşq keçəcək. 

Presssport.az xəbər verir ki, Fernand Santuşu komandası oktyabrın 9-da, saat 15:00-da Estoniyanın paytaxtı Tallinə yollanacaq.

Santuş komandanı oktyabrın 10-da, Bakı vaxtı ilə saat 18:00-da “Lilleküla” stadionunda Estoniya yığmasıyla oyunöncəsi son məşqə çıxaracaq. Millimiz Estoniya yığması ilə görüşdən bir gün sonra – oktyabrın 12-də səhər məşqə çıxacaq, Bakı vaxtı ilə saat 14:00-da isə Vətənə qayıdacaq. Oktyabrın 13-də, saat 17:00-da Tofiq Bəhramov adına Respublika stadionunda Slovakiya yığması ilə oyunöncəsi son məşq olacaq.

Onu da bildirək ki, Azərbaycan milli komandası C liqasının 1-ci qrupu çərçivəsində oktyabrın 11-də “Lilleküla” stadionunda Estoniya yığması ilə, oktyabrın 14-də isə Tofiq Bəhramov adına Respublika stadionunda Slovakiya yığmasıyla qarşılaşacaq. Hər iki oyun eyni vaxtda – saat 20:00-da başlayacaq.