Cüdoçumuz dünya çempionatında Azərbaycana ilk medalı qazandırıb

Tacikistanın paytaxtı Düşənbədə gənclər arasında cüdo üzrə dünya çempionatı davam edir.

Presssport.az xəbər verir ki, 3-cü yarış günündə Azərbaycanın idmançısı Süleyman Şükürov uğurlu nəticə qazanıb. 

Belə ki, o, bürünc medala sahib çıxıb. 

Şükürov ilk qarşılaşmasında Mixaylo Siminə (Serbiya) qalib gəlib. O, Senq-Min Kimi (Koreya) üstələyib və 1/4 finala adlayıb.

İdmançımız bu mərhələdə Coşua De Lanqı (Niderland) üstələyib. Cüdoçumuz bürünc medal uğrunda tacikistanlı Muhammad Yusufzoda ilə güləşib. Görüş həmyerlimizin inamlı qələbəsi ilə yekunlaşıb. 

Süleyman bununla da fəxri kürsünün 3-cü pilləsinə yüksəlib.

Bu, Azərbaycanın yarışdakı ilk medalıdı.