Daha bir boksçumuz Avropa çempionatının gümüş medalını qazanıb

Azərbaycan millisinin daha bir üzvü Bolqarıstanın paytaxtı Sofiyada keçirilən 23 yaşadək boksçular arasında Avropa çempionatının gümüş medalını qazanıb.

Presssport.az Azərbaycan Boks Federasiyasının mətbuat xidmətinə istinadən xəbər verir ki, yığmamızın aktivinə növbəti mükafatı Nicat Hüseynov yazdırıb.

Belə ki, 51 kq-da çıxış edən boksçumuz fəxri kürsünün 2-ci pilləsinə qalxıb.

Bununla da yığmamızın Sofiyada əldə etdiyi medalların sayı 3-ə yüksəlib. Hüseynovdan öncə Tural Sarıyev (48 kq) 2-ci, Marjona Savriyeva (50 kq) 3-cü yeri tutub.

Xatırladaq ki, bu gün yığmamızın daha 1 boksçusu final qarşılaşmasına çıxacaq.