Stolüstü tennisçilərimiz “Riga City Council’s Youth Cup” beynəlxalq turnirinin qalibi olub.

Azərbaycanın stolüstü tennisçiləri Latviyanın paytaxtı Riqada keçirilən “Riga City Council’s Youth Cup” beynəlxalq turnirinin qalibi olub.

Azərbaycanın Stolüstü Tennis Federasiyasından Presssport.az-a verilən məlumata görə, Onur Quluzadə ilə Yağmur Məmmədli yarışda etimadı doğruldub.

Belə ki, U-13 yaş dərəcəsində mübarizə aparan idmançılar bütün rəqiblərinə qalib gələrək baş mükafatı qazanıb.

Xatırladaq ki, milli komandamız beynəlxalq yarışa 16 idmançı ilə qatılıb. Riqa sınaqlarına sabah yekun vurulacaq.