"Kəpəz"in veteran futbolçusunun 75 illik yubileyi qeyd olunub

“Kəpəz”in veteran futbolçusu Nurədddin Əliyevin 75 illik yubileyi qeyd olunub.

Presssport.az xəbər verir ki, bunu Gəncə Futbol Veteranlar Bilriyi həyata keçirib.

Qurumun sədri Tofiq Məmmədovun da iştirak etdiyi tədbirdə 20-ə yaxın futbol, idman adamı iştirak edib.

Tədbirin açılışında Gəncə şəhər Ağsaqqallar Şurasının üzvü Novruz Əliyev çıxış edib. Gəncə-Daşkəsən Regional Gənclər və İdman İdarəsinin rəisi İntiqam Hüseynovun təbriki çatdırılıb.

Yubilyara arxasında ad-soyadı yazılan “75 nömrə”li forma hədiyyə olunub. 

Gəncə futbol məktəbinin yetirməsi olan Əliyev 18 yaşında o vaxt Kirovabad “Dinamo”sunun heyətində debüt edib, II Liqada çıxış edən zaman 29 matçda meydana çıxıb. Keçmiş hücumçu gənc olmağına baxmayaraq, güclülər dəstəsinə vəsiqə qazanan “Dinamo”nun əsas oyunçularından biri olub. Belə ki, Əliyev 1968-ci ildə “Kəpəz”lə SSRİ çempionatının I dəstəsinin qalibi olaraq yüksək liqaya çıxıb və orda da top qovub. O, 3 il doğma şəhərin təmsilçisndə çııxş etdikdən sonra “Neftçi”yə dəvət olunaraq karyerasını paytaxtda davam etdirib (1972-75-ci illərdə), əfsanəvi Anatoli Banişevskiylə komanda yoldaşı olub. 

Budan sonra sonra Aşqabad “Kolxozçu”suna üz tutan, “Turan Tovuz”un tükmənistalı baş məşqçisi Kurban Berdıyevlə çiyin-çiyinə oynayan Əliyev geri dönərək bir müddət də futbol oynadıqdan sonra karyerasını başa vurub və məşqçiliyə başlayıb. Əvvəlcə “Kəpəz”in aşağı yaş qruplarında işləyib, sonra isə indiki Göygöl rayonunda çalışıb. 1983-cü ildə rayonun “Məhsul” cəmiyyətinin məşqçisi təyin olunub və həmin dönəmdə Vidadi Rzayev kimi futbolçunu üzə çıxarıb. Bir müddət sonra “Məhsul”un respublika üzrə baş məşqçisi təyin olunub. Onun rəhbərliyi altında cəmiyyətin yığma komandası Ternopolda təşkil olunan ümumittifaq səviyyəli “Kolos” turnirində 2-ci yeri tutub ki, bu da SSRİ-də yaxşı mənada böyük səs-səda doğurub. Onun tələbələri arasında “Vidoş”la yanaşı, Mahmud Qurbanov, Ceyhun Tanrıverdiyev, Firuz Qulami, Vüqar Məmmədov və s. var. 

Presssport.az N.Əliyevi yubileyi münasibətilə təbrik edir, ona möhkəm can sağlığı və uzun müddət ömür arzulayır.