Boksçumuz Gimnaziadada erməniyə qalib gələrək qızıl medal qazanıb

Bəhreynin paytaxtı Manamada Gimnaziada İdman Oyunlarında boks yarışlarında final görüşlərinə start verilib. 

Presssport.az xəbər verir ki, məktəblilər arasında təşkil olunan multi-idman yarışında Azərbaycan millisinin heyətində həlledici döyüşə ilk olaraq Əli Əliyev (46 kq) çıxıb.

Erməni boksçu ilə qarşılaşan təmsilçimiz inamlı qələbə qazanaraq çempion tituluna yiyələnib. 

Bu, boks yığmamızın Manamada ilk qızıl medalı olub.

Xatırladaq ki, aktivində 2 bürünc medal olan oğlanlardan ibarət komandamızın heyətində daha 8 boksçumuz finalda yarışacaq.