"Qarabağ"dan Minskdə 2-ci qələbə - yenə 2:0

Bu gün “Qarabağ”ın 15 yaşadək futbolçulardan ibarət komandası Belarusda keçirilən beynəlxalq turnirdə ikinci oyununu keçirib. 

Presssport.az xəbər verir ki, Minskdə təşkil olunan “Bizim gələcəyimiz” turnirində B qrupunda mübarizə aparan Vüqar Əsgərlinin baş məşqçisi olduğu U-15 Rusiya “Olimpik”ı ilə qarşılaşıb.

İlk turda “Zvezda”ya 2:0 hesabı ilə qalib gələn təmsilçimiz ardıcıl ikinci qələbəsini qazanıb. “Qarabağ” yenə rəqibinin qapısından iki cavabsız qol keçirib. Onur Əliyev 21-ci dəqiqədə hesabı açıb, 10 dəqiqə sonra Kəmaləddin Cəfərli qol vurub.

Qeyd edək ki, 15 yaşlılar qrupdakı son matçında bu gün Belarus təmsilçisi BATE ilə qarşılaşacaq.