Azərbaycan D Liqasına düşən 2 millidən biri oldu

Bu gün Azərbaycan milli komandası UEFA Millətlər Liqasının son - VI turunda İsveç yığmasına 0:6 hesabı ilə uduzub.

Presssport.az xəbər verir ki, C Liqasında mübarizə aparan Fernandu Santuşun komandası qrupu 1 xalla sonuncu - 4-cü pillədə başa vurub. 

Bununla millimiz C Liqasında ən pis nəticəyə malik komandalardan biri kimi birbaşa D Liqasına düşüb. Ora birbaşa yuvarlanan digər komanda isə Litvadı (6 oyun, 0 xal). 

Latviya və Lüksemburq isə D Liqasının 2 qrup ikincisi ilə - Malta və Cəbəllütariqlə 2 matçdan ibarət pley-off görüşü keçirəcək (evdə və səfərdə).

Yığmamız budəfəki UEFA Millətlər Liqasının qrup mərhələsində cəmi 3 qol vurub, 17 qol buraxıb. Bugünkü oyunadək komanda Slovakiyaya 1:3 və 0:2 hesabı ilə uduzub. Millimiz Estoniya ilə ilk görüşdə 1:3 hesabı ilə məğlub olub, son matçında 0:0 hesablı heç-heçə edib. Həmçinin Azərbaycan İsveçlə ilk görüşündə 1:3 hesabı ilə uduzub.