Gürcüstan U-21-i Avropa çempionatının final mərhələsinə yüksəlib - Azərbaycanda işləmiş məşqçinin rəhbərliyi altında

Gürcüstanın U-21 millisi Slovakiyada keçiriləcək Avropa çempionatının final mərhələsinə yüksəlib.

Presssport.az xəbər verir ki, komanda ötən gecə pley-off mərhələsinin cavab oyununda Xorvatiyadan olan həmyaşıdlarıyla qarşılaşıb. 

Bu komandalar arasında ilk matç Xorvatiyanın 1:0 hesablı qələbəsi ilə başa çatmışdı. İkinci görüşün əsas vaxtında isə Gürcüstan 3:2 hesablı qələbə qazanıb. 

Buna görə də əlavə vaxt - 30 dəqiqə oynanılıb.

Bu müddət ərzində də qapılara qol vurulmayıb. Penaltilər seriyasında isə gürcülər 7:6 hesabı ilə qalib gəlib və AVRO-2025-in final məhələsinə adlayıb. 

Bununla da Gürcüstanın U-21 millisi tarixində 2-ci dəfə Avropa çempionatında iştirak edəcək. Komanda daha əvvəl 2023-cü ildə ev sahibi kimi qitə çempionatının final mərhələsində yarışıb. 

Xatırladaq ki, Gürcüstan U-21-ni vaxtilə Bakı “İnter”ində (hazırkı “Şamaxı”da) 2 il - 2015-17-də baş məşqçinin köməkçisi işləyib.