"Xocalı" FK ilk yubileyini qeyd edib

“Xocalı” Futbol klubunun (FK) 5 yaşı tamam olub.

Presssport.az xəbər verir ki, klubun ilk yubileyini komanda üzvləri və rəhbərliyi qeyd edib. 

Tədbir Xırdalanda “The Roof” restoranında baş tutub. Mərasimə komandanın futbolçuları, valideynlər və media nümayəndələri qatılıb. 

Klubun rəhbəri İlkin Hacıyev çıxış edərək 5 il ərzində keçdikləri yoldan danışıb. O, qarşılarına daha böyük məqsədlər qoyduğunu söyləyib.

Onu da bildirək ki, “Xocalı” Futbol Klubu 2019-cu ildə yaradılıb. Həmin dövrdən fəaliyyət göstərən komandanın bir çox üzvləri hazırda Premyer Liqada çıxış edən klubların akademiyalarında top qovur.