Kamal Umudlu "Jirona"nın matçını idarə edəcək

Azərbaycanlı FİFA referisi Kamal Umudlu növbəti təyinat alıb.

Presssport.az AFFA-nın rəsmi saytına istinadən xəbər verir ki, o, UEFA Gənclər Liqasının V turu çərçivəsində keçiriləcək “Şturm” (Avstriya) – “Jirona” (İspaniya) oyununun baş hakimi olacaq.

Umudluya yan xətdə Namik Hüseynov və Vüsal Məmmədov kömək edəcək. Dördüncü hakim funksiyasını bolqarıstanlı Emil Ristoskov yerinə yetirəcək.

Noyabrın 27-də Avstriyanın Sankt Veit an der Qlan şəhərində yerləşən “Cek Lemans Arena”da keçiriləcək görüş Bakı vaxtı ilə saat 17:00-da başlayacaq.