"Səbail" lazer işığın "zibilinə düşdü"

AFFA İntizam Komitəsi “Səbail”i 1300 manat cərimələyib.

Presssport.az xəbər verir ki, buna "dənizçilər"in evdə "Qarabağ"a 0:3 hesabı ilə uduzduqları Misli Premyer Liqasının XIV turunun matçında yaşananlar səbəb olub.

Belə ki, paytaxt təmsilçisi azarkeşlərin 62-ci dəqiqədə lazer işıqdan istifadə etməsinə görə 500 manat ödəyəcək. “Dənizçilər” görüş bitəndən sonra meydana kənar şəxslərin daxil olması ucbatından 800 manat ziyana düşüb.

"Qarabağ" isə 700 manat cərimələnib. Buna "köhlən atlar"ın 4 oyunçusunun sözügedən qarşılaşmada sarı vərəqə ilə cəzalandırılması səbəb olub.