Qvardiola özünə xəsarət yetirib: "Dırnaqlarımla cırmışam"

“Mançester Siti”nin baş məşqçisi Xosep Qvardiola özünə xəsarət yetirib.

Presssport.az xəbər verir ki, Çempionlar Liqasının V turu çərçivəsində keçirilən “Feyenoord”la 3:3 hesabıyla nəticələnən ev qarşılaşmasından sonra 53 yaşlı ispaniyalı mütəxəssisin üzündə və başındakı cırmaq izləri diqqət çəkib. 

Zədələrlə bağlı jurnalistin “Yaralarınız var. Nə olub?” sualına Qvardiola gülərək belə cavab verib: “Dırnaqlarımla cırmışam. Özümə zərər vermək istəyirəm”.

Onu da bildirək ki, bu qarşılaşmayadək “Mançester Siti” bütün yarışlarda 5 oyun ardıcıl məğlubiyyətə uğrayıb.