Qərb derbisində qalib müəyyənləşmədi - "Kəpəz"in kapitanı "Turan Tovuz"un qələbə sevincinə imkan vermədi

AFFA-nın bayrağı altında təşkil edilən U-15 Liqasında XIII turun oyunları keçirilib. 

Presssport.az xəbər verir ki, qələbəsi olmayan tək komanda kimi turnir cədvəlinin son pilləsində qərarlaşan "Dinamo" 13 qolun vurulduğu matçda ağır məğlubiyyət alıb.

“Sabah” böyükhesablı qələbəylə xal sayını 28-ə çatdıraraq liderliyə ələ keçirib. Buna eyni zamanda 1-ci pillədə olmuş, 27 xala malik “Qarabağ”ın məğlubiyyəti səbəb olub.

Turun maraqlı, gərgin keçən matçlarından biri Gəncədə olub. Belə ki, “Kəpəz”lə “Turan Tovuz” arasında Qərb derbisində qalib müəyyənləşməyib. Hərçənd,  meydan sahibləri erkən qol vurduğu bu görüşdə hesabda 2 dəfə irəlidə olsa da, üstünlüyünü qoruya bilməyib. Tovuzlulular isə əzmkar qələbə qazanmaq üçün çalışsa da, komandasını kapitan kimi meydana çıxaran rəqib qapıçı Qüdrət Qarayev “çərçivə"də inamlı oyunuyla buna imkan verməyib. Yekunda aktivlərinə hərəyə 1 xal yazan qərblilər hərəyə 17 xalla turnir cədvəlində 9-10-cu pillələri bölüşdürür. Sadəcə, ”Kəpəz"in 1 oyun ehtiyatda olması ona üstünlük verir. 

AFFA U-15 Liqası, XIII tur

EFA – “Dinamo” (Baku) – 12:1

Nurlan Kərimov, 8, 31. Yusif Orucəliyev, 9. Əli İslamov, 14 (pen.), 24, 54, 74. Yusif Mirzəzadə, 21, 34. Fəqan Məmmədov, 62. Mirəli Əsədli, 64, 73 - Rəsul Xankişiyev, 60

“Sumqayıt” – “Qarabağ” – 2:1

Ömər Kosayev, 8, 60 - Vaqif Nəbiyev, 51

“Sabah” – “Zirə” – 6:1

Əbubəkir Abdullayev, 12. Rəvan Məmmədov, 17, 79. Ruslan Əbilov, 60. Firdovsi Şeydayev, 64. Abbas Məmmədli, 72 - Ramil Hacıyev, 39

“Şamaxı” – “Vətən” – 2:4

Ömər Qocalı, 22, 37 - Amirs Bagirovs, 14, 23. Qabil Kərimli, 39. Elgiz Abdullayev, 80

“Asta” – “Metak” – 1:1

Sərxan Səfərli, 9 - Əli Zamanov, 26

“Qəbələ” – “Neftçi” – 4:0

Mübariz Kərimov, 18, 58. Hamza Tahirov, 40+1. Nicat Rəhimli, 66

“Kəpəz” – “Turan Tovuz” – 2:2

Ömər Məmmədov, 3. Allahverdi Qurbanov, 20 - Onur Əliyev, 18. Mətləb Qasımov, 67