Elçin Məsiyev Konfrans Liqası matçında 2 qol, 3 sarı vərəqə qeydə alıb

Azərbaycanlı FİFA referisi Elçin Məsiyev növbəti dəfə Konfrans Liqası oyununu idarə edib.

Presssport.az xəbər verir ki, o, Liqa mərhələsinin 4-cü turunda keçirilən “Serkle Brügge” (Belçika) – “Harts” (Şotlandiya) oyununun baş hakimi olub.

Məsiyevə yan xətdə Elşad Abdullayev və Pərvin Talıbov kömək edib. Dördüncü hakim funksiyasını Fərid Hacıyev yerinə yetirib.

Oyun meydan sahiblərinin 2:0 hesablı qələbəsi ilə başa çatıb. Məsiyev meydan sahiblərinin 1, qonaqların isə 2 futbolçusuna sarı vərəqə göstərib.

Xatırladaq ki, “Serkle Brügge” 7 xalla 11-ci, "Harts" isə 6 xalla 17-ci pillədə qərarlaşıb.