Lamiyə Vəliyeva afrikalı idmançı ilə ailə həyatı qurub

İkiqat Paralimpiya çempionu Lamiyə Vəliyeva evlənib.

Presssport.az xəbər verir ki, o, Cənubi Afrika Respublikasından olan atletlə ailə həyatı qurub. 

İdmançının toyu olmasa da, onlar rəsmi nikaha girib. 

Afrikalı atlet bundan sonra Azərbaycanda yaşayacaq. O, Lamiyəylə evləndikdən sonra Azərbaycan vətəndaşlığı almaq istəyir. İdmançı hətta ölkəmizin yığmasında çıxış etmək niyyətindədi.  

Xatırladaq ki, Tokio-2020 Yay Paralimpiya Oyunlarında 1 qızıl və 1 gümüş medal qazanan Vəliyeva Paris-2024-də də eyni uğuru təkrarlayıb.