Millimiz türklərə darmadağın olundu

19 yaşadək futbolçulardan ibarət Azərbaycan milli komandası (U-19) Moldovada təşkil edilən yoldaşlıq turnirində 2-ci oyununu keçirib.

Presssport.az xəbər verir ki, millimiz Türkiyənin U-20 komandası ilə qarşılaşıb. 

Bender şəhərinin “Dinamo” stadionunda baş tutan görüş rəqibin 5:0 hesablı qələbəsi ilə yekunlaşıb.

Xatırladaq ki, U-19 turnirin ilk oyununda Qazaxıstan yığması üzərində 2:0 hesablı qələbə qazanıb. Millimiz son matçını iyunun 10-da, saat 20:30-da Moldovanın U-19 yığmasına qarşı keçirəcək.