Paris-2024: Azərbaycan medal sıralamasında 15-ci pilləyə düşüb

Azərbaycan Fransanın paytaxtı Parisdə keçirilən Yay Oyunlarındakı medal sıralamasında 15-ci pillədə qərarlaşıb.

Presssport.az xəbər verir ki, hələlik milli komandamızın aktivində 1 qızıl mükafat var.

Bu, cüdoçu Hidayət Heydərovun (73 kq) ötən gün Olimpiya çempionu adını qazanmasıyla reallaşıb.

Azərbaycanla birlikdə Rumıniya və Özbəkistan da 1 qızıl medalla 15-cidi. Ölkəmiz qızıl medal qazanaraq siyahıya düşəndə 13-cü pillədə idi. 

Siyahıya 6 qızıl, 2 gümüş və 4 bürünc mükafatla Yaponiya yığması başçılıq edir. Meydan sahibi Fransa (5 qızıl, 8 gümüş və 3 bürünc) 2-ci, Çin (5 qızıl, 5 gümüş, 2 bürünc) 3-cü yerdədi.

Xatırladaq ki, Paris-2024 avqustun 11-də başa çatacaq.