Arif Əsədov milli komandamızdan ayrıldı - RƏSMİ

Azərbaycan milli komandasının məşqçisi Arif Əsədov yığmadan ayrılıb.

Presssport.az xəbər verir ki, təcrübəli mütəxəssislə müqaviləyə qarşılıqlı razılıq əsasında xitam verilib.

Bu haqda AFFA-nın rəsmi saytı məlumat yayıb. Milli assosiasiya Əsədova göstərdiyi xidmətlərə görə təşəkkür edir, gələcək fəaliyyətində uğurlar arzulayır.

Bu yerdə bildirək ki, 54 yaşlı mütəxəssis UEFA-nın Məşqçi Kurslarında təlimatçı kimi fəaliyyətini davam etdirəcək.

Xatırladaq ki, Əsədov 2018-ci ilin əvəvlində millmizdə məşqçi işləyərək, bu ilin ilk yarısnda isə baş məşqçi əvəzi olmuşdu.