Almeyda "100"ü yarılayıb

Riçard Almeyda Azərbaycan çempionatlarında 50-ci qolunu vurub. 

Presssport.az xəbər verir ki, 35 yaşlı yarımmüdafiəçinin yubiley topu Misli Premyer Liqasının I turuna təsadüf edib.

Belə ki, Riçard “Araz-Naxçıvan”la səfər oyununda (4:1) vurduğu qolla “100”ü yarılayıb. O, “50”yə Premyer Liqada keçirdiyi 268-ci matçda çatıb. Milliləşdirilən braziliyalı Azərbaycan çempionatları tarixinə ən azı 50 qol vuran 40-cı futbolçu kimi düşüb.

2012/13 mövsümündən Premyer Liqada çıxış edən Almeyda ilk qolunu da həmin çempionatda imza atıb. Yalnız “Qarabağ”ın heyətində rəqib qapısına yol tapan mərkəz yarımmüdafiəçisi “Zirə”nin də formasını geyinib.