Paris-2024: Bədii gimnastımız mübarizəyə başlayıb

Azərbaycanın bədii gimnastı Zöhrə Ağamirova Fransanın paytaxtı Parisdə keçirilən Yay Olimpiya Oyunlarında mübarizəyə start verib.

Presssport.az xəbər verir ki, 23 yaşlı idmançımız fərdi çoxnövçülükdə ilk olaraq topla hərəkətlərdə çıxış edib.

Təmsilçimiz 30.200 xala layiq görülüb. Ağamirova halqa, lent və gürzlə də bacarığını göstərməyə çalışacaq. O, hələlik 7-ci sıradadır.

Xatırladaq ki, bu, Zöhrənin 2-ci Olimpiadasıdı və o, hələ ki medalçı ola bilməyib.