Paris-2024: Sərbəst güləşçimiz yarımfinalda məğlub olub

Azərbaycanın sərbəst güləşçisi Giorgi Meşvildişvili Fransanın paytaxtı Parisdə təşkil olunan Yay Olimpiya Oyunlarında mübarizəyə start verib.

Presssport.az xəbər verir ki, 125 kq çəki dərəcəsində yer alan idmançımız 1/8 finalda misirli Diaeldin Abdelmottaleblə üz-üzə gəlib.

Rəqibinə qalib gələn Meşvildişvili (4:0) 1/4 finala vəsiqə qazanıb. 

O, növbəti raundda Lxaqvaqerel Munxtur (Monqolustan) ilə görüşüb. Rəqibinə qalib gələn Meşvildişvili (12:2) yarımfinala yüksəlib. 

Milliləşdirilən gürcü legionerimiz finala gedən yolda həmyerlisi Geno Petriaşvili (Gürcüstan) ilə görüşüb. Təmsilçimiz bu görüşdə rəqibinə 0:7 hesabı ilə məğlub olub. 

Meşvildişvili sabah bürünc medal uğrunda mübarizə aparacaq. O, Oleksandr Xotsianivski (Ukrayna) – Robert Baran (Polşa) görüşünün qalibi ilə üz-üzə gələcək.

Xatırladaq ki, Azərbaycan güləşdə güləşdə hələ ki yalnız yunan-Roma növündə çıxış edən Həsrət Cəfərovla bürünc medal qazanıb.