Paris-2024: Azərbaycan medal sıralamasında hansı pillədə qərarlaşıb?

Azərbaycan Fransanın paytaxtı Parisdə keçirilən Yay Olimpiya Oyunlarında medal sıralamasında 28-ci pillədə qərarlaşıb.

Presssport.az xəbər verir ki, hələlik milli komandamızın aktivində 2 qızıl, 2 gümüş və 2 bürünc mükafat var.

Cüdoçular Hidayət Heydərov (73 kq) və Zelim Kotsoyev (100 kq) olimpiya çempionu olublar. Taekvondoçu Qaşım Maqomedov (58 kq), boksçu Alfonso Dominqes gümüş, yunan-Roma güləşçisi Həsrət Cəfərov (67 kq) və sərbəst güləşçi Giorgi Meşvildişvili (125 kq) isə bürünc medala sahib çıxıb. Bu gün 7-ci medal qazanmaq şansımız var ki, bu da sərbəst güləşdə bürünc mükafat ola bilər. 
İlk "3-lük"də Çin (39 qızıl, 27 gümüş, 24 bürünc), ABŞ (38 qızıl, 42 gümüş, 42 bürünc), və Avstraliya (18 qızıl, 18 gümüş və 14 bürünc) yer alıblar.
Xatırladaq ki, Paris-2024 bu gün başa çatacaq.