Azərbaycanlı referi Paris-2024-də ən reytinqli hakim seçilib

Azərbaycanlı beynəlxalq dərəcəli boks hakimi Emil Qurbanəliyev Paris-2024 Yay Olimpiya Oyunlarında fərqlənib.

Presssport.az xəbər verir ki, həmyerlimiz döyüşləri ən yaxşı idarə edən ədalət təmsilçisi seçilib.

Qurbanəliyev referilərin reytinqində 1-ci olub və dördilliyin ən möhtəşəm yarışının sertifikatı ilə təltif edilib.

Onu da bildirək ki, Emil Olimpiadada müxtəlif mərhələlərin döyüşləri ilə yanaşı, finalda da ədaləti qoruyub.