Əliyar Ağayev Avropa Liqasının pley-off matçını idarə edəcək

Azərbaycanın FİFA referisi Əliyar Ağayev növbəti beynəlxalq təyinat alıb.

Presssport.az xəbər verir ki, 27 yaşlı hakimimiz Avropa Liqasının pley-off mərhələsinin ilk oyunu çərçivəsində keçiriləcək RFŞ (Latviya) – APOEL (Kipr) qarşılaşmasını idarə edəcək.

Ona yan xətdə Zeynal Zeynalov və Akif Əmirəli kömək edəcək. Dördüncü hakim funksiyasını İnqilab Məmmədov yerinə yetirəcək.

Onu da bildirək ki, RFŞ – APOEL görüşü avqustun 22-də Riqa şəhərində yerləşən “LNK Sporta Parks” stadionunda keçiriləcək.