FIG-in bədii gimnastika üzrə texniki komitəsinin prezidenti Bakıya gələcək

Beynəlxalq Gimnastika Federasiyasının (FIG) bədii gimnastika üzrə texniki komitəsinin prezidenti Noha Abu Şabana Azərbaycana səfər edəcək.

Presssport.az Azərbaycan Gimnastika Federasiyasının mətbuat xidmətinə istinadən xəbər verir ki, ölkəmizə səfəri zamanı o, öz bilik və təcrübəsini yerli mütəxəssislərlə bölüşəcək.

Şabana tərəfindən keçiriləcək “Milli mütəxəssislər üçün məşqçilik və hakimlik üzrə seminar”a peşəkar məşqçilər dəvət olunur.

Tədbir avqustun 30-u və 31-də, saat 15:00-da keçiriləcək.