"Ponomaryov çalışırdı ki, motivasiyanı qaldırsın" - "Sabah"ın məşqçisi

“Sabah” Premyer Liqanın 21-ci turunda doğma meydanda "Turan Tovuz"la 1:1 hesablı heç-heçə edib.

Presssport.az xəbər verir ki, Masazır təmsilçisinin məşqçisi Ruslan Qafitullin oyunsonrası mətbuat konfransına matç haqda fikirlərini bildirməklə başlayıb.

- Maraqlı oyun keçdi. İlk 15-20 dəqiqədə "Turan Tovuz" çox yaxşı və aqressiv oynadı. Ondan sonra daha çox topa biz nəzarət edirdik. İkinci hissədə rəqibin cərimə meydançasına yaxınlaşsaq da, təhlükəli epizodlar olmadı.

- "Qarabağ"la matçdan sonra nəyi dəyişə bildiniz?

- İki gün ərzində nəyisə dəyişmək bir az çətin məsələdi. Komandanı bu oyuna hazırlayaraq çıxaran İqor Ponomaryov çalışırdı ki, motivasiyanı qaldırsın. O özü görürdü ki, uşaqlara psixoloji cəhətdən təsir edib. Hər halda, iki ildən çoxdur ki, Murad Musayevlə bir yerdə işləyirdik.

- Bu gün gənc Xəyal Əliyevə şans verdiniz və əsas komandada debüt etdi. Murad Musayev onu tanıyırdı?

- Bizdə tək Xəyal yox, Rauf, Fəxri var. Murad Musayev bu gənc oyunçulara nəzarət edirdi. Onları tez-tez məşqlərə çağırırdı. Onlarda potensial görürdü. Sadəcə, Musayev komandada qalası olmadı.