Sərbəst güləşçimiz Atırauda "Oil Capital Cup" turnirində medalçı olub

Qazaxıstanın Atırau şəhərində keçirilən "Oil Capital Cup" turnirində Azərbaycanın sərbəst güləşçisi bürünc medal qazanıb.

Presssport.az xəbər verir ki, Musa Ağayev (65 kq) 1/4 finalda gürcüstanlı Luka Janeraşviliyə tam üstünlüklə (11:0) qalib gəlsə də, yarımfinalda qazaxıstanlı Mayis Aliyevə (2:13) məğlub olub.

Daha sonra digər qazaxıstanlı güləşçi Bek Jaksilikovu (5:1) üstələyən həmyerlimiz turnirdə bürünc medala sahib çıxıb.

Onu da bildirək ki, Kənan Heybətov (70 kq) və Əşrəf Aşırov (79 kq) bu gün mübarizəyə qoşulacaq.