"Qarabağ"ın məşqçisi izlədi, "Braqa" qalib gəldi

"Qarabağ"ın Avropa Liqasının pley-off mərhələsindəki rəqibi “Braqa” Portuqaliya çempionatında qələbə qazanıb.

Presssport.az xəbər verir ki, adıçəkilən komanda XX turda öz meydanında “Moreyrense”ni məğlub edibç

Abel Ruizin 8-ci dəqiqədə vurduğu yeganə qol “Braqa”ya minimal hesablı qələbə qazandırıb.

Görüşü stadiondan baş məşqçi Qurban Qurbanovun bolqarıstanlı köməkçisi, video-analitik məşqçi Yanuş Vasilyev izləyib.

Turnir cədvəlinin 4-cü pilləsində qərarlaşan Artur Jorjenin komandası bu qələbə sayəsində xallarının sayını 40-a çatdırıb.

Qeyd edək ki, “Qarabağ” “Braqa” ilə ilk oyununu fevralın 15-də səfərdə, cavab görüşünü isə 22-də evdə keçirəcək.