Rahil Məmmədov 120 dəqiqə oynadı, kubokda mərhələ adladılar

Millimizin futbolçusu Rahil Məmmədovun formasını geyindiyi "Radomyak" Polşa kubokunda 1/32 final mərhələsinin oyununa çıxıb.

Presssport.az xəbər verir ki, komanda səfərdə “Qornik Zabrze”nin qonağı olub. 

90 dəqiqə ərzində qapılara qol vurulmayıb. Bu mərhələnin oyunları 1 matçdan ibarət olduğundan komandalar mübarizəni əlavə vaxtda davam etdiriblər. 93-cü dəqiqədə Alvesin vurduğu qol əlavə vaxtda yeganə olub və yekunda 1:0 hesabı ilə qalib gələn Məmmədovun komandası 1/16 finala vəsiqə qazanıb. 

Meydana start heyətində çıxan Rahil 120 dəqiqəni əvəzolunmadan keçirib.