Benzia son 20 dəqiqədə oynadı, millisi ilk xal itkisinə məruz qaldı

“Qarabağ”ın futbolçusu Yassin Benzia Əlcəzair milli komandasının heyətində növbəti oyuna çıxıb.

Presssport.az xəbər verir ki, 30 yaşlı yarımmüdafiəçi Afrika Millətlər kubokunun seçmə mərhələsində Ekvatorial Qvineya yığmasına qarşı matçın iştirakçısı olub. 

Qolsuz bərabərliklə yekunlaşan görüşdə Benzia 70-ci dəqiqədə meydana daxil olub.

Onu da bildirək ki, u oyundakı heç-heçə Əlcəzairin öz qrupunda 5-ci matçda ilk xal itkisi olub. Buna baxmayaraq, hazırda Benzianın yığması  13 xalla liderliyini qoruyur. Ekvatorial Qvineya 5 oyundan 8 xalla 2-ci, Liberiya 4 xalla 3-cü, Toqo 2 xalla sonuncu - 4-cü yeri tutur.