Çerçesovlu Qazaxıstan yığmasının fiaskosu - C Liqasına qayıtdı

Qazaxıstan millisi UEFA Millətlər Liqası çərçivəsində evdə Avstriya yığması ilə qarşılaşıb.

Presssport.az xəbər verir ki, B Liqasının V turunda keçirilən görüşdə Stanislav Çerçesovun komandası 0:2 hesabı ilə məğlub olub. 

Bu, millinin təcrübəli rusiyalı mütəxəssisin rəhbərliyi altında ardıcıl 4-cü məğlubiyyəti olub.

Yekunda qazaxlar B Liqasının III qrupunda 1 xalla sonuncu sırada qərarlaşaraq C Liqasına düşüb.

Xatırladaq ki, Qazaxıstan bu turnirdə keçən mövsümdə Azərbaycan millisiylə olduğu qrupun qalibi kimi B Liqasına yüksəlmişdi.