Fernandu Santuş: "Bütün qərarlar mənə aiddi, kənardan deyilən heç bir fikir mənə təsir etmir"

Azərbaycan milli komandası UEFA Millətlər Liqası qrup mərhələsinin v turu çərçivəsində sabah Qəbələdə Estoniya seçməsini qəbul edəcək.

Presssport.az xəbər verir ki, yığmamızın baş məşqçisi Fernandu Santuş matçdan öncə keçirilən mətbuat konfransında jurnalistlərin suallarını cavablandırıb:

- Bu gün məşqin səhər saatlarında olmasının xüsusi səbəbi var?

- Səbəb odur ki, komandanın bərpa olmaq üçün daha çox vaxtı olsun. Milli bir həftədir burdadı, gündə iki məqşimiz olur. Komanda oyuna çox yaxşı hazırlaşıb. Düşündük ki, futbolçuların bərpa olunmaq üçün 24 saat vaxtları olsun.

- Dörd oyundan sonra komandanın aktivində xal yoxdur. Baş məşqçi kimi belə nəticəni gözləyirdinizz?

- Əlbəttə ki, oyunları təhlil edəndə çatışmayan cəhətləri görürük. Son iki matçda komanda yaxşı oynadı, futbolçularımız inkişaf edir. Estoniya ilə matçda yaxşı oyun nümayiş etdirdik. Qapımızda gözlənilməz qollar buraxdıq. Səhvlərimizi görürük. Bunları aradan qadırmağa çalışırıq. Slovakiyaya qarşı da yaxşı oynadıq. Qırmızı vərəqə hər şeyi dəyişdi. Futbolda belə detallar vacibdi. Oyunçularım yaxşı məşq edib, çox istəklidi, pozitiv nəticə qazanmaq üçün sabah əllərindən gələni edəcək. Oyundan-oyuna inkişaf edirik, istədiyimiz yerə gəlib çatacağıq.

- Millimiz qrupu xalsız bitirsə, gələcəyinizlə bağlı qərarınız necə olacaq?

- 2028-ci ilə qədər müqaviləm var. Məqsədimiz yaxşı heyət qurmaqdır. Azərbaycan millisinə indiyə qədər əldə etmədiyi uğurları qazandırmaq istəyirik. Bütün bunları 2027-ci ildə təhlil etmək olacaq.

- Milliyə futbolçular dəvət edərkən ictimaiyyətin fikrini nəzərə alırsınız? Rüfət Abdullazadə də yığmaya dəvəti gözlənilən oyunçulardan idi. Onu izləyirsiniz?

- Bütün oyunları izləyirəm, futbolçuların hamısını tanıyıram. Heyətlə bağlı verilən bütün qərarlar mənə aiddi, kənardan deyilən heç bir fikir mənə təsir etmir. Kimin bizə kömək edəcəyini düşünürəmsə, onu da milliyə dəvət edirəm.