Emin Mahmudov yaşıl meydana nə vaxt dönəcək?

"Neftçi"nin və millimizi sabiq kapitanı Emin Mahmudovun yaşıl meydanlara qayıdacağı vaxt bəlli olub.

Presssport.az xəbər verir ki, 32 yaşlı yarımmüdafiəçi əzələ problemi səbəbindən yığmanın düşərgəsini tərk edib.

Belə ki, əzələ gərginliyi olan Mahmudovun bərpası üçün 7-10 gün vaxt lazım olacaq. Həkimlər təcrübəli futbolçunun Misli Premyer Liqasının növbəti turunda “Zirə”ylə ev matçınadək sıradan dönməsinə çalışacaq.

Xatırladaq ki, Emin noyabrın 16-da Qəbələdə Estoniya, bundan üç gün sonra səfərdə İsveçlə UEFA Millətlər Liqası matçlarını buraxacaq. Onun əvəzinə milliyə “Zirə"nin yarımmüdafiəçisi İsmayıl İbrahimli dəvət alıb.