"Barselona" 1-ci, "Neftçi" sonuncudu

UEFA qadınlardan ibarət futbol komandalarının növbəti reytinq cədvəlini yeniləyib. Presssport.az xəbər verir ki, Azərbaycan siyahıda 1 komandayla məyus edici mövqedə qərarlaşıb.

Belə ki, reytinqdə yeganə təmsilçimiz olan "Neftçi"nin qadın komandası sonuncu - 121-ci yerdədi. “Ağ-qaralar” bu il ilk dəfə mübarizə apardığı Çempionlar Liqasının təsnifat mərhələsində “Sankt-Pölten” (Avstriya) və “Lançxuti”yə (Gürcüstan) uduzaraq mübarizəni erkən başa vurub.

Reytinqə isə "Barselona" başçılıq edir. Kataloniya təmsilçisinin aktivində 126,599 xal var. "Lion" 2-ci, "Çelsi" 3-cüdü.

İlk "10-luq" aşağıdakı kimidir:

1. “Barselona” (İspaniya) — 126,599 xal

2. “Lion” (Fransa) — 110,199 xal

3. “Çelsi” (İngiltərə) — 102,833 xal

4. “Bavariya” (Almaniya) — 88,266 xal

5. PSJ (Fransa) — 82,197 xal

6. "Volfsburq" (Almaniya) - 81,266 xal

7. "Arsenal" (İngiltərə) — 59,833 xal

8. "Real" (İspaniya) — 53,599 xal

9. "Mançester Siti" (İngiltərə) — 47,833 xal

10. "Yuventus" (İtaliya) — 46,600 xal