Azərbaycan çempionu olan sabiq “Neftçi”li keçmiş klubuna qayıtdı

"Neftçi"nin sabiq futbolçusu Bruno Teluşinin yeni klubu müəyyənləşib.

Presssport.az xəbər verir ki, 34 yaşlı albaniyalı yarımmüdafiəçi öz ölkəsinin təmsilçisi olan “Flamurtari”yə keçib.

Bu barədə klubun mətbuat xidməti məlumat yayıb. Təcrübəli futbolçuyla cari mövsümün sonuna kimi nəzərdə tutulan müqavilə imzalanıb.

Bruno 2011-17-ci illər aralığında da bu komandanın uğurları üçün çalışaraq onun heyətində Albaniya Kubokunu (2013/14 mövsümündə) qazanıb.

Xatırladaq ki, Teluşi 2020/21 mövsümündə "Neftçi"nin heyətində Azərbaycan Premyer Liqasının qalibi olub. O, "ağ-qaralar"ın heyətində 9 rəsmi matçda meydanda olub.