U-15 Liqasında dəyişiklik edilib - 2024-cü ilə "Kəpəz"ın paytaxt səfəriylə yekun vurulacaq

AFFA-nın bayrağı altında təşkil edilən U-15 Liqasında XVII turun oyunları keçirilib. 

Presssport.az xəbər verir ki, “Qarabağ”la "Sabah" növbəti qələbələrini qazanmaqla, hərəyə 43 xalla şərikli liderliklərini davam etdirib.

“Turan Tovuz” “Kəpəz”in bu turda istirahət etməsindən istifadə edərək, qazandığı qələbəylə ona çatıb. İndi hər 2 Qərb təmsilçisi eyni - 23 xalla turnir cədvəlində 8-9-cu pilləri bölüşdürür. Sadəcə, gəncəlilərin 1 oyunu ehtiyatda olması onu hətta potensial olaraq 7-ci pillənin sahibi edir. Çünki hazırda bu yerdə qərarlaşan “Vətən”in 16 oyundan sonra 25 xalı var.

Bu turdan sonra U-15 Liqasında qış fasiləsinin olması nəzərdə tutulsa da, təqvimdə dəyişiklik olub. Belə ki, 2025-ci ilin yanvarın sonunda keçirilməsi planlaşdırılan XVIII turun matçlarının bu həftə olmasına qərar verilib. İlin son turunda istirahət edən komanda "Zirə" olacaq. Növbəti rura və ümumiyyətlə, 2024-cü ilə paytaxtda EFA - "Kəpəz" görüşüylə yekun vurulacaq. Bu, dekabrın 29-da saat 14:00-da Binə qəsəbəsində Milli Aviasiya Akademiyasının stadionunda olacaq.   
AFFA U-15 Liqası, XVII tur

“Qəbələ” – EFA – 3:0

Tunar Bayramov, 12, 75. Ülvü Nəsirov, 80

“Səbail” – “Sumqayıt” – 0:3

Səid Məmmədli, 21. Ömər Kosayev, 56. Amin Cəlilov, 59

“Neftçi” – “Sabah” – 0:2

Firdovsi Şeydayev, 51. Ayxan İbadov, 68

“Turan Tovuz” – “Asta” – 2:0

Onur Əliyev, 15. Amin Tağıyev, 80

“Dinamo” (Baku) – “Şamaxı” – 2:3

Ayxan Mehtiyev, 10. İskəndər Əliyev, 37 - Fərid Ağasarılı, 5, 79. Xəqani Teymurov, 20

“Qarabağ” – “Vətən” – 3:0

Cavidan Əlizadə, 7. Daniil Rəcəbov, 47. Yunis İsmayılov, 75

“Zirə” – “Metak” – 1:0

Fərxan Məmmədzadə, 22