Taekvondoçularımız Niderlandda keçirilən yarışda daha 16 medal qazanıb

Azərbaycanın yeniyetmə taekvondoçuları Niderlandın Eyndhoven şəhərində keçirilən 52-ci açıq çempionatın 2-ci günündə 5 qızıl, 5 gümüş, 6 bürünc medal qazanıb.

Taekvondo Federasiyasından Presssport.az-a verilən məlumata görə, Sabir Məmmədli (33 kq), Rüqəyya Əliyeva (33 kq), Nicat Nadirov (41 kq), Yusif Nağızadə (57 kq) və Rəsul Cavadzadə (61 kq) fəxri kürsünün ən yüksək pilləsinə qalxıb.

Elmira Bayrak (41 kq), Musa Süleymanlı (37 kq), Əbil Mehralı (45 kq), Ədiş Cəlilov (49 kq), Gülnaz Abdullayeva (59 kq) gümüş, Mədinə Aslanlı (29 kq), Tapdıq Quluzadə (33 kq), Kənan Bayramlı (37 kq), Cavidan Heydərzadə (41 kq), Akif Əliyev (45 kq) və Saleh Heydərov (53 kq) isə bürünc medala yiyələnib.

Xatırladaq ki, yarışın ilk günündə Bəhruz Quluzadə (54 kq) və Eltac Qafarov (87 kq) 3-cü olub.