Gimnastlarımız Bakıdakı turnirdə gümüş medal qazanıb

Azərbaycanın yeniyetmə bədii gimnastları Bakıda keçirilən “AGF Trophy” beynəlxalq turnirində gümüş medal qazanıb.

Presssport.az xəbər verir ki, Azadə Atakişiyeva və Şəms Ağahüseynova komanda hesabında 2-ci yeri tutub.

Azərbaycan-1 komandası dörd çıxışın yekununda 100.000 xalla mükafatçılar sırasına düşüb. Qazaxıstan (100,700) 1-ci, Gürcüstan (94,950) 3-cü yeri tutub.

Bundan əlavə, 4 yeniyetmə gimnastımız finala vəsiqəni təmin edib. Azadə Atakişiyeva gürzlərlə hərəkətlərdə təsnifat mərhələsinin qalibi olubsa, Fidan Qurbanlı da bu yarışda ilk "8-liy"ə düşüb. Şəms Ağahüseynova lentlə təsnifatda 2-ci, Fidan Qurbanlı isə 4-cü yeri tutaraq finala yüksəlib.

Xatırladaq ki, beynəlxalq turnir bu gün başa çatacaq.