Emin Mahmudovun son durumu açıqlanıb

“Neftçi”nin kapitanı Emin Mahmudovun son durumu açıqlanıb.

Klubdan Presssport.az-a erilən məlumata görə, Premyer Liqanın XXVI turunda “Kəpəz”lə səfər oyununda zədələnən yarımmüdafiəçinin daban oynağında ödəm müşahidə olunub.

32 yaşlı yarımmüdafiəçinin bağlarında ciddi zədə olmadığı bildirilib. Artıq müalicə prosesinə başlanılıb. Mahmudovun 2-3 günə məşqlərə qoşulması planlaşdırılır. “Ağ-qaralar” növbəti matçını martın 15-də “Səbail”lə evdə keçirəcək.

Xatırladaq ki, Emin 3:3 hesabı ilə yekunlaşan “Kəpəz”lə Tovuzdakı görüşün 78-ci dəqiqəsində əvəzlənib.