CEV prezidenti Avropa çempionatının yenidən ölkəmizdə keçirilməsi ilə nələrə əmindi?

CEV prezidenti Aleksandar Boriçiç Avropa çempionatının yenidən Azərbaycanda keçirilməsi ilə bağlı fikirlərini bölüşüb.

Presssport.az xəbər verir ki, qurum rəhbəri bu yarışın ölkəmiz üçün olacaq pozitibliyindən danışıb: "Əminik ki, Avropa çempionatı Azərbaycan yığmasının hazırkı üzvləri, eləcə də gənclər üçün böyük stimul olacaq, gələcək nəsil azərbaycanlı oyunçuları ruhlandıracaq. Biz onlarla işləməyi səbirsizliklə gözləyirik. Əminik ki, Azərbaycan Voleybol Federasiyası yarışın yenə yüksək səviyyədə təşkili üçün əlindən gələni edəcək”.

Xatırladaq ki, 2026-cı il yayın sonuna planlaşdırılan turnirdə ümumilikdə Avropanın 24 ən yaxşı komandası iştirak edəcək. Bu komandalardan 6-sı məhz Bakıda mübarizə aparacaq. Azərbaycanla yanaşı, Çexiya və İsveçin AVRO-2026-ya birgə ev sahibliyi edəcəyi artıq təsdiqlənib.