"Qarabağ"la matçın 70-ci dəqiqədə oyuna qayıtmağımız sonda isə hesabı 3:2-yə çatdırmağımız bir daha kollektivdəki əhval-ruhiyyəmizi göstərir" - Caka

“Bayer”in futbolçusu Qranit Caka Avropa Liqasının 1/8 final mərhələsinin Leverkuzendə “Qarabağ”la cavab oyununda qazandıqları qələbəni şərh edib (3:2, ilk oyun 2:2).

Pressport.az xəbər verir ki, isveçrəli yarımmüdafiəçi Ağdam təmsilçisi ilə keçirilmiş görüşü belə xatırlayıb:

"Üstünlüyümüz şəraitində keçən görüşdə 0:2 hesabı baş verməməli idi. Amma bu oldu. Bundan sonra adətən bir çox komanda relsdən çıxır və hər şeyin bitdiyini düşünür. Matçın 70-ci dəqiqədə oyuna qayıtmağımız sonda isə hesabı 3:2-yə çatdırmağımız bir daha kollektivdəki əhval-ruhiyyəmizi göstərir. Dediyim kimi, komandamızın mentaliteti inanılmazdır".