Üzgüçülərimiz Əbu-Dabidə 31 medal qazanıb

Azərbaycanın bədii üzgüçülük üzrə komandası Birləşmiş Ərəb Əmirliklərinin paytaxtı Əbu-Dabidə keçirilən beynəlxalq turnirdə 31 medal qazanıb.

Federasiyadan Presssport.az-a verilən məlumata görə, idmançılarımız ümumilikdə 18 qızıl, 12 gümüş, 1 bürünc medal əldə edib.

Birləşmiş Ərəb Əmirlikləri, Rusiya, Cənubi Afrika Respublikası, Tayvan, Sinqapur, Tunis və Türkiyənin bədii üzgüçülərinin də mübarizə apardığı beynəlxalq yarışda təmsilçilərimiz ən yüksək nəticəni göstərib.

Onu da bildirək ki, yarışa 8 ölkədən 15 klub və 200 dən çox idmançı qatılıb.