Mövsümün rekordu təkrarlandı

Premyer Liqada 2023/24 mövsümünün tamaşaçı rekordu təkrarlanıb. 

Presssport.az xəbər verir ki, bu, XXXVI turun “Sumqayıt” – “Qəbələ” matçına təsadüf edib. Belə ki, Mehdi Hüseynzadə adına Sumqayıt şəhər stadionundakı oyunu 9300 seyrçi izləyib. 

Bu, mövsümün ən yüksək göstəricisinin təkrarıdı. XXXII turun “Sumqayıt” – “Qarabağ” görüşündə də eyni sayda izləyici olub. Aprelin 28-də keçirilən görüş də eyni arenada baş tutub. 

Xatırladaq ki, 9300 tamaşaçının olduğu hər iki qarşılaşmada meydan sahibləri 1:0 hesabı ilə qalib gəlib.