Daha bir güləşçimiz Budapeştdə çempion oldu

Azərbaycanın daha bir yunan-Roma güləşçisi Macarıstanın paytaxtı Budapeştdə keçirilən reytinq turnirində qızıl medal qazanıb.

Presssport.az xəbər verir ki, Həsrət Cəfərov finalda misirli Mustafa Alameldinə 5:2 hesabıyla qalib gələrək reytinq turnirində çempion olub.

Daha əvvəl Eldəniz Əzizli reytinq turnirində sonuncu - III turda braziliyalı Marat Qaripova tam üstünlüklə (9:0) qalib gəlib.

Xatırladaq ki, daha əvvəl sərbəst güləşçilərimizdən Maqomedxan Maqomedov (97 kq) gümüş, Hacı Əliyev (65 kq) bürünc medal qazanıb. Murad Məmmədov (63 kq) isə yunan-Roma güləşçilərinin mübarizəsində qızıl medala sahib çıxıb.