"Mançester Siti" həmşəhərlilərini keçdi, ÇL-də yeni rekord müəyyənləşdirdi

"Mançester Siti" Çempionlar Liqasında (ÇL) yeni rekord müəyyənləşdirib.

Presssport.az xəbər verir ki, “şəhərlilər” buna Liqa mərhələsinin III turunda Çexiya "Sparta"sına qalib gəlməklə (5:0) nail olub.

Nəticədə Xosep Qvardiolanın komandası ÇL-də məğlubiyyətsiz oyunlar seriyasını 26-ya çatdırıb. Mançesterlilər son dəfə 2021/22 mövsümündə yarımfinalın cavab görüşündə "Real"a uduzub - 1:3.

Ötən mövsüm 1/4 finalda "Mançester Siti" yenə "Real" səddini aşa bilməyib. Lakin bu dəfə komanda oyunda yox, penaltilər seriyasında məğlub olub. 

ÇL-də indiyədək ən uzun məğlubiyyətsizlik seriyası "Mançester Yunayted"ə məxsus idi. Şotlandiyalı baş məşqçi Aleks Ferqyusonun rəhbərliyi altında “qırmızı şeytanlar” ardıcıl 25 matç uduzmamışdı.

Onu da bildirək ki, "Mançester Siti" 3 turdan sonra Liqa mərhələsinin sıralamasında 7 xalla 5-cidi.