"Ayın qolu” layihəsində sentyabrın qalibi PFL və “Misli” tərəfindən mükafatlandırılıb

2023/24 mövsümündən etibarən Peşəkar Futbol Liqası və “Misli” “Ayın qolu” layihəsinə start verib.

Presssport.az xəbər verir ki, layihə çərçivəsində ayın ən gözəl qolunu vurmuş futbolçu PFL və “Misli” tərəfindən mükafatlara layiq görülür.

PFL-in “Facebook” sosial şəbəkəsində keçirilən müsabiqədə azarkeşlər tərəfindən cari mövsümün sentyabr ayının ən gözəl qolu “Araz-Naxçıvan”ın oyunçusu Bernardo Diasın "Kəpəz"ə vurdugu qol seçilib. 

Braziliyalı yarımmüdafiəçi bu gün keçirilən "Araz-Naxçıvan" - "Zirə" oyunundan əvvəl PFL və “Misli” tərəfindən mükafatlandırılıb.

Mükafat PFL-in texniki-idman direktoru Elgiz Abbasov tərəfindən təqdim olunub.