Güləş yığmamız dünya çempionatında 3-cü yeri tutub

Albaniyanın paytaxtı Tiranada keçirilən U-23 dünya çempionatı başa çatıb.

Presssport.az Azərbaycan Güləş Federasiyasının mətbuat xidmətinə istinadən xəbər verir ki, Azərbaycanın sərbəst güləş üzrə millisi dünya çempionatını 1 qızıl 2 gümüş və 1 bürünc medalla başa vurub.

Yekunda 100 xal toplayan yığmamız komanda hesabında dünya 3-cüsü olub. İran (158) 1-ci, Yaponiya (102) isə 2-ci yeri tutub.

Xatırladaq ki, milli komandanın tərkibində Maqomed-Başir Xaniyev (70 kq) qızıl, Ruslan Abdullayev (57 kq) və Arseniy Djioyev (86 kq) gümüş, Cəbrayıl Qadjiyev (74 kq) isə bürünc medal qazanıb.