Mikels üçün "Sabah"da yubiley

Coy-Lens Mikels “Sabah”ın heyətində 40-cı qolunu vurub. 

Presssport.az xəbər verir ki, 30 yaşlı almaniyalı legionerin yubileyi Misli Premyer Liqasının XIV turunun “Turan Tovuz”la görüşünə təsadüf edib. O, komandasının bərabərlik qolunun müəllifi olub.

Coy-Lens Bakı klubunda keçirdiyi 86-cı oyunda 40-cı dəfə fərqlənib. O, Premyer Liqada 35 (74 oyun), ölkə kubokunda 3 (6 oyun), avrokuboklarda 2 (6 oyun) dəfə rəqib qapısına yol tapıb.

Onu da bildirək ki, Mikels “Sabah”ın tarixində ən məhsuldar oyunçudu.